三哥的社會活動

【「線」有善報 為大家再行多一步！】 過去兩年，譚仔三哥聯同聖雅各福群會FOOD-CO喺各區分店多次舉辦「線有善報」活動，為有需要人士免費招待米線。為咗令「線」 心可以更加深入社區唔同角落，分享畀不同有需要嘅人士，我哋決定主動【行多一步】，落區去地區中心派發外賣米線，將「線」有善報嘅精神散播出去！ 今日我哋就嚟到觀塘牛池灣，將三哥外賣米線送到當區有需要人士手上，同佢哋一齊分享美味嘅快樂💗 之後我哋都會繼續行多一步、兩步以至更多步，令「線」意傳遍社會每一個角落！

酷熱天氣警告生效🔥都無阻三哥熾熱嘅善心，繼續聯同聖雅各福群會 FOOD-CO 發揮「線」有善報精神，今日嚟到【佐敦】分店同區內有需要嘅人士分享香麻辛辣嘅三哥米線。大家除咗免費享用到米線外，仲收到 @savewohk 救世口罩一齊抗疫、飲品、麥片、穀物片等禮品帶返屋企🥰有得食，又有得收禮物，真係「百感交集」❤️ 因為舉行活動，想食三哥嘅三粉就要到鄰近分店。

三哥善心更熾熱。2022年三哥繼續為「線」最樂，再次聯同聖雅各福群會 FOOD-CO 發揮「線」有善報精神嚟到今年第一站【土瓜灣欣榮花園】分店。一如以往，三哥將「線」心分享畀當區有需要人士，除咗免費享用米線外，仲派發口罩、餅乾等禮品包，等大家喺炎炎夏日都感受到三哥一顆熾熱嘅善心。 因為舉行活動，今日欣榮花園分店只做外賣，想食堂食嘅三粉就要稍移玉步到附近土瓜灣大廈分店啦！

今年最後一站嚟到元朗安寧路分店，聯同聖雅各福群會 FOOD-CO發揮「線」有善報精神，邀請區內有需要嘅人士一齊食熱焫焫嘅米線外，仲派發 Oxfam Hong Kong 樂施會 嘅「樂施米」畀大家。有得食、又有禮物收，今個冬天夠「米」氣！ 由於活動關係，今日元朗安寧路分店不設堂食，只提供外賣服務，想食堂食嘅三粉就要稍移玉步到附近「元朗西菁街」或「元朗形點」分店啦！

三哥。字典【冬至收四點】 一年一度又冬至，又係繼續三哥傳統【冬至收四點】。平時姐姐為三粉送上熱焫焫又窩心嘅米線，今日(12月21日) 姐姐們就提早收工，為家人做節溫馨團聚。 📣三粉留意📣 全線分店*營業至下午4:00，下午3:30截單。想嘆三哥，記得早啲嚟啦。 *九龍塘又一城、九龍灣德福廣場、銅鑼灣希慎廣場及元朗形點分店照常營業

今次同樣邀請區內有需要嘅人士，除咗請大家食米線外，再添「米」氣，派發Oxfam Hong Kong 樂施會的「樂施米」畀大家，一齊將暖笠笠嘅「米」氣帶返屋企。 由於活動關係，今日荃灣百萬行分店不設堂食，只提供外賣服務，想食堂食嘅三粉就要稍移玉步到附近南豐中心分店啦！

今次為大家帶嚟辛搞作！由 LIFE Mart 手作市集 X 三哥 X White Market 三個單位首度破天荒攜手合作，秉承過去支持原創獨創，今年邀請超過20個手作人同插畫家到場、開設過百個攤位之外， 我哋更行多一步支持埋香港原創音樂，邀請咗🎸Dear Jane X 🎤 MC 張天賦 🎤 Laiying エミー TANG 鄧麗英 X 🎤波仔 🎼嚟表演，希望大家Chill住行，Chill住Relax！

今站嚟到小西灣分店，繼續發揮「線」有善報精神，聯同聖雅各福群會 FOOD-CO 邀請區內有需要嘅人士，提供免費米線外，仲派發小禮物，令大家喺呢個初秋都感受到三哥嘅暖意~ 由於活動關係，今日小西灣分店不設堂食，只提供外賣服務，想食堂食嘅三粉就要稍移玉步到附近杏花新城分店啦！

今年三哥已經係第二年贊助《 Hong Kong Creative PR Competition 全港創意公關大賽》，希望透過比賽嚟幫助學生獲取更多經驗。最驚喜係以三哥為主題嘅同學仔 - 雲飛關公，開咗一個 三哥米線關注組 ，仲拎咗【大專團體組冠軍】添，恭喜晒！ 希望咁多位三粉無論係手作定係創作，都同三哥一齊支持佢哋，支持同學仔發揮佢哋嘅創意小宇宙！