三哥的社會活動

取諸社會、用諸社會，係三哥嘅品牌精神。有見過去一年，社會上唔少市民深受疫情影響，三哥決定新一年以「線有善報」活動作為起步，邀請全民一齊發揮三哥互助精神，幫助本地生活陷入困境嘅低收入人士。 嚟緊2月22日(星期一)，大家到三哥旗下任何分店惠顧一碗米線，我哋就會捐出一碗三餸米線畀聖雅各福群會 FOOD-CO，三哥期望透過今次活動捐出最少六萬碗米線 ，要達至呢個目標，你哋嘅參與不可或缺！所有參與是次善事嘅顧客，都會獲贈善報心意卡乙張同口罩乙個，記得一齊嚟共襄善舉啦！ * 顧客憑善報心意卡於3月份內惠顧三哥堂食或外賣自取兩餸或以上米線一碗，即可獲多送一餸優惠 * 口罩數量有限，送完即止

🌶新春將至，同大家拜個早年先🌶 🎉祝大家「辣到病除 身壯力健」，恭喜恭喜🎉 今年繼續秉承傳統，年三十晚除3間分店外全線休息一天，比姐姐哥哥可以同家人好好團圓。部份分店會提早年初一啟市，新年想食三哥就留意返喇！

繼早前嘅「創意香港·手作市場」之後，三哥再次力撐本地創作力量，贊助後日起開始舉行嘅「白紙市集 - 香城 2.0」！今次市集除咗雲集多位人氣插畫家同YouTuber外，三哥亦會親自擺攤，不過唔係賣野，係同各位三粉大玩姐姐話急口令！只要成功挑戰，就可以得到精美紀念品，記得嚟玩啦！

「原創・獨創」一向係三哥嘅品牌理念，今年我哋第二度贊助 LIFE Mart 手作市集舉辦「創意香港·手作市場」，攤檔租金由三哥全數贊助，希望藉此幫助一班本地手作人，共渡難關，繼續展示香港不同面貌同生活態度，令大家更熱愛這個地方！今年市集規模更大，將會喺兩個地點同時舉行！

不想努力，奉旨休息，係為咗走更遠嘅路。今年我哋繼續秉承傳統，畀勞苦功高嘅一班姐姐提早返屋企做節，冬至(12月21日)三哥全線分店*營業至下午4:00，3:30就會截單，敬請留意。 *元朗形點、青衣城2期及九龍灣德福廣場分店照常營業

三哥一直追求原創獨創，當然支持香港青少年投入科研創新啦！所以我哋贊助「第22屆香港青少年科技創新大賽」嘅「優秀創新項目大獎」，頒獎儀式早前就喺我哋分店舉行。創新係社會發展嘅原動力，嚟緊第23屆大賽三哥都會繼續贊助，有興趣就立即報名啦！

我哋啲姐姐先行告退，唔係趕住變嫦娥奔月，而係要同家人做節，共敘天倫。平時佢哋都緊守崗位，今次就畀佢哋好好休息返晚啦！ 中秋節(10月1日)三哥秉承傳統，全線分店*營業至下午4:00，3:30截單。各位想邊食三哥邊賞月嘅話，記得早啲嚟嗌外賣啦！*九龍塘又一城、元朗形點及九龍灣德福廣場分店照常營業

呢幾日疫情好似有緩和跡象，呢個時候，我哋更加唔可以鬆懈。聽日三哥就會送出 30ml 免沖洗消毒搓手液 2 萬支，方便大家隨時消毒雙手，凡堂食顧客即可獲取一支（每張單計）。祝願病毒喺香港絕跡，大家平平安安啦！

視障人士經常需要用手觸碰唔同地方，比一般人更有消毒雙手嘅需要，但要佢哋去搶購防疫物資亦相當唔容易。三哥義工隊擒日就親手將消毒搓手液大樽轉迷你噴霧樽，送畀社企「黑暗中對話」轉贈予視障人士，希望喺抗疫路上為佢哋送上點點溫暖。